無綫臨時變陣改播《香港愛情故事》憾《全民造星III》 有冇機會 ...

ViuTV大型選秀節目《全民造星III》話題十足，而同一時間無綫就派出《阿爺廚房》應戰，可惜喺網上討論度極低，感覺似於被打狀態。

10點半時段一向都係播放綜藝節目，並計劃由以本地旅遊為題材嘅《港產旅行團》接《阿爺廚房》後喺12月7日開始播出，但無綫突然抽起節目，改播12集嘅劇集《香港愛情故事》兼延後晚間新聞嘅播出時間，由以往3線劇集變4線劇集。

唔通無綫想搶返呢個時段嘅觀眾，所以先臨時變陣？《香港愛情故事》係《2021無綫節目巡禮》劇集之一，呢套愛情小品劇由羅天宇、龔嘉欣、王敏奕、謝東閔、龔恩慈及白彪等人主演，而監製及編審