深水埗- 維基百科，自由嘅百科全書

深水埗（粵拼：sam1 seoi2 bou2，英文：Sham Shui Po），亦有人寫做深水埔或深水莆。

香港舊區，地處九龍西，響大角咀、石硤尾同長沙灣之間，商舖及住宅大廈林立，一度 ... 深水埗 出自維基百科，自由嘅百科全書 跳去導覽 跳去搵嘢 深水埗長沙灣道街境 深水埗數碼之源圖案 深水埗（粵拼：sam1seoi2bou2，英文：ShamShuiPo），亦有人寫做深水埔或深水莆。

香港舊區，地處九龍西，響大角咀、石硤尾同長沙灣之間，商舖及住宅大廈林立，一度係世界人口至密嘅地方，入過健力士世界紀錄大全。

家下深水埗慢慢變成長者同新移民聚腳地。

有學者指「埗」字本為「埠」，解做「上落船嘅地方」。

行政屬深水埗區。

沿革[編輯] 東漢到明朝 深水埗話唔埋東漢（西元25～220年）就有人住。

事緣1955年起李鄭屋邨嗰時，地盤工人掘到個墳墓，後經考證係東漢古蹟。

地盤其後改建做李鄭屋漢墓博物館。

深水埗原本係條村，位於九龍半島西便海皮，亦即大角咀半島底西便外則。

舒懋官重修《新安縣志》，就有提及『深水莆』乃係『官富司管屬村庄』。

深水埗條村，南便係大角咀半島，北面係突出嘅海角，直至涌口。

過咗條涌有菴由（OmYam）、元洲同田寮，而東面就有塘尾。

深水埗古時係埠頭都唔定，之未曾獲史書印證，無從稽考。

清朝 西元1644年，清兵入關，明朝將軍鄭成功據守台灣。

當其時兩岸局勢重大鑊過依家，沿岸居民命仔不保，真係尿壼養蛇――危鳩險。

有見及此，康熙皇帝落柯打趕扯海皮對入五十里居民，勒令遷徙至內陸，其時廣東固之然走唔甩，深水埗亦列入遷徙名冊。

此令一出，慘情難以盡訴，家散人亡十室九空，認真陰功。

幾經戰亂卒之響康熙八年（1669年）戰局平定，政府頒令復界一天光曬。

復界後，清廷賣大包送禾種及鋤頭過居民，出學額津貼沿岸書塾，務求復建海皮。

當其時客家佬窮過蒙正，見有着數就唔執輸咯，成村人趕住搦出世紙咁湧入香港。

及後定居於深水埗氏族排名不分先後有鄧、周、曾、李、鄭、蘇、黃、葉、謝、吳、徐。

英治 西元1842年，中英簽署南京條約，港島進入英治時期，而九龍重係清國屬地。

清廷驚咗港島英人啲槍火，故此設立深水莆汛，派三十五清兵看守，屬大鵬協水師右營管轄。

據考證，呢個深水莆汛查實係就係家下荔枝角醫院嗰庶，相傳醫院舊陣時重Keep住舊「深水埗關廠界石」添。

1860年，英法聯軍大敗清國。

深水埗左手便仰船洲（而家寫昂船洲）連同九龍半島界限街以南一帶通通割予英人管治。

1887年清廷於馬灣設立九龍海關，其下水門關廠附淺灣、谷灣、深水莆分廠。

1895年深水莆升班做關廠，監視海域出沒船隻，及後改為海關船位，用於驗證鴉片及貨物抽稅。

1899年英軍接管界限街以北，深水埗關廠隨之摺埋。

英國接管新界後，首先就起條大埔道通去新界東，再起多條青山道去新界西。

香港政府對原清界雜亂無章嘅深水埗，就諗住填海同規劃發展。

1924年之前，個海角，連帶菴由，同埋菴由個涌口同海灣，已經開成一個正正方方小鎮。

西北邊海皮係欽州街，西南邊海皮係通州街，東南邊係黃竹街，東北邊係鴨寮街。

元洲、田寮同塘尾三條村就響界外。

嗰陣個鎮裏面已經有荔枝角道，就證明呢陣時，政府就諗住將深水埗同荔枝角之間，成個海灣填平。

不過之後，都將個塊填地四四方方咁拉長到東沙島街咁遠，其餘要到1950年代之後先成事。

呢塊新填地就大部份都用咗呢做英軍營盤，家下重有條營盤街做證。

1924年，深水埗警署亦都埋響軍營隔籬，欽州街同荔枝角道口。

深水埗啲樓就向大埔道，向長沙灣沿岸平地發展，深水埗各村亦都消失響城市發展。

地理[編輯] 家下深水埗同石硤尾之間，以大埔道為界，而界限街以南，就歸大角嘴。

至於東面，深水埗同長沙灣，因為係填海嘅關係，市係深水埗伸入長沙灣，而海同地原本就係長沙灣，所以就無一條明顯嘅界。

欽州街到東京街一帶，係兩個地方嘅交接地帶。

1990年代，因為要落實玫瑰園計劃，深水埗又再大規模填海，南昌邨、南昌公園同通州街公園就當係深水埗。

富昌邨同對出就當入長沙灣。

而其餘就當係大角嘴。

所以深水埗變成同海絕緣。

家下深水埗地方，原本就一片沖積平地。

沙泥係石硤尾對上個山流落來幾條涌帶落來。

呢啲涌，響發展過程中，就變成家下南昌街同東京街兩條渠。

不過後尾大幅發展，兩條渠實在唔夠疏水使。

每逢大雨，呢區都有機會水浸。

不過隨住渠務工程展開，深水埗就好少話水浸。

特色[編輯] 鴨寮街 欽州街布料市場 長沙灣道成衣街 黃金電腦商場：電腦舖頭集中地 嘉頓餐廳  呢篇深水埗係關於香港地理嘅楔位文章，重未完成嘅。

麻煩你幫手補充佢嘅內容。

由「https://zh-yue.wikipedia.org/w/index.php?title=深水埗&oldid=1595453」收 屬於3類：新九龍香港地方深水埗屬於2隱類：有英文嘅文章香港地理楔類 導覽選單 個人架生 未簽到同呢個互聯網地址嘅匿名人傾偈貢獻開戶口簽到 空間名 文章討論 粵語 外觀 閱改睇返紀錄 多啲 查嘢 導覽 頭版目錄正嘢時人時事是但一版關於維基百科聯絡處捐畀維基百科 交流 說明書城市論壇社區大堂最近修改 架撐 有乜連過嚟連結頁嘅更改上載檔案專門版固定連結此版明細引用呢篇文維基數據項 打印/匯出 下載PDF印得嘅版本 第啲維基項目 維基同享 第啲話 EnglishFrançais日本語한국어BahasaMelayuNederlandsதமிழ்中文文言 改拎