深水埗貧窮論 - 眾新聞

雖然按統計數據嚟講，深水埗區的確喺香港暫時係最貧窮嘅地區，但係其實喺十八個區域裡面，都有佢地獨特的貧窮問題。

更何況，低收入工種嘅基層勞動群體，佢哋工作嘅地區 ... 眾觀 眾聞 眾說 眾數 Videos Tri-angles 訂閱我們 眾記 眾說 深水埗貧窮論 撰文:落區|發佈日期:24.04.17 請支持《眾新聞》，立即按此訂閱成為我們的訂戶   【撰文：鄧永謙】 據統計處2016年10月嘅數據顯示，全港18區中，有8區嘅貧窮率高於全港平均數，最貧窮仍然係深水埗，其次係觀塘同黃大仙區，排第4嘅係連升4位嘅元朗，西貢則繼續成為貧窮率最低嘅地區。

近年有好多唔同嘅團體都開始做一啲有關貧窮議題嘅體驗活動同探訪行動，聽到啲同行有時會講，啲團體搵佢地去搞探訪搞體驗，好多時都要求要去深水埗，一定要有去深水埗嘅元素。

我地曾經試過有間傳媒要採訪貧校嘅工作，佢地想影我哋一啲體驗活動，同時亦係強調問我哋可唔可以喺深水埗拍攝，於是我同佢講：「點解一定要去深水埗呢？體驗性質嘅活動係唔需要特選地區噃，其實喺唔同嘅舊區都有呈現基層嘅生活形態。

」跟住佢覆番我因為冇深水埗元素，所以取消拍攝，當時我真係好勞氣，因為要安排學生又要通知家長老師同校長，勞施動眾，最後竟然話唔啱佢哋要求，於是我話要投訴個編輯，要向我哋解釋，最後佢哋死死氣要拍咗佢。

呢啲現象嘅出現我反而想問一句，乜香港得一個社區係貧窮咩？點解個個都要走去深水埗嘅呢？唔通我哋一落去就會感受到嗰股貧窮嘅氣場？雖然按統計數據嚟講，深水埗區的確喺香港暫時係最貧窮嘅地區，但係其實喺十八個區域裡面，都有佢地獨特的貧窮問題。

更何況，低收入工種嘅基層勞動群體，佢哋工作嘅地區可能係游走於不同嘅區域，土瓜灣有受重建影響嘅劏房戶居民，北角亦有好多新移民寄居，葵涌也有為數不少嘅基層南亞族群聚居等等。

不過若果我咁講，亦可能落入一個陷阱—就係將基層街坊嘅生命同生活當作動物園咁去參觀同鑑賞，其實深水埗嘅「貧窮觀賞度」長年持續高企，原因有可能係透過數據統計，傳媒積極嘅報導，以及市民嘅耳濡目染下建構出嚟嘅，亦正正佢嘅曝光率比其他區較高，造成其他區嘅貧窮問題有可能不被重視。

而住喺深水埗嘅基層街坊亦有可能因為社會嘅渲染下，認為自己身處嘅地方確係最貧窮，連自己都認同係極需要支援，就好似派飯派物資呢啲服務，喺深水埗係特別多，曾經收過無數次嘅來電： 有二手衫捐：「啲衫都唔著，仲幾新淨架，咪捐俾啲基層家庭囉！」（有冇問過啲街坊想唔想著你啲舊衫？） 有二手電器要送：「襯屋企買咗部新高清電視，咪將個舊嘅捐出去，睇下深水埗啲人要唔要囉！」（點解一定係深水埗？香港剩係得深水埗係貧窮集中地？） 有飲宴食物剩咗：「嘩，好嘥呀，等我攞埋一齊拎去通州街橋底先！」（又去深水埗，一動慈心就諗去深水埗，真係多得傳媒積極去深水埗報導嘅工作。

） 只係想講，根據黃洪老師《無窮的盼望》一書中有一個調查，就係基層群體點樣睇何謂貧窮，其中一項數據顯示—「貧窮就係要用別人用過嘅二手嘢…」，睇吓，我哋嘅社會唔單止教導我地唔好嘥嘢，仲教我哋啲垃圾同唔要嘅嘢記得要搵街坊接收，而一班街坊喺缺乏教育底下被我地塑造到用二手嘢係好有意義嘅，佢哋竟然成為廢物循環供應鏈中其中一重要成員。

繼續救濟式不停派派派但又冇檢討所做嘅只會淪為「慈惠毒藥」，佢嘅毒性會連受助者嘅鬥志都摧殘埋，令到佢地唔會有能力脫離不斷供應物資嘅倚賴性，要令街坊戒甩救濟毒癮，先要讓施惠者醒覺自身係毒販。

（利申：毒販只係比喻嚟嘅，唔係要貶低身分。

） 深水埗嘅貧窮論有可能係由你我他建構出嚟嘅，就好似「貧窮」呢兩個字，同樣地都係我地成日用嚟稱呼一班街坊，又或者去做社會服務時成日掛喺口邊去分享感受同禱告嗰陣時常用嘅標籤字眼。

作者簡介：新福事工協會關懷貧窮學校事工主任 深水埗區 深水埗區 貧窮 貧窮 博客|落區 【落區】落區是「關懷貧窮學校」帶領參與者學習認識本地貧窮問題，了解基層群體處境，持續與街坊建立關係的行動之一。

落區意指要了解基層狀況，首先要進入社區，專欄會分享平日落區與街坊接觸的故事，基層生活的點滴，細看社會貧窮問題，一同反思生活與信仰。

「關懷貧窮學校」是基督教機構新福事工協會轄下的部門，負責推動關懷貧窮教育，讓更多人關注本地貧窮問題及加入服侍基層群體的行列。

相關文章 主編推介 熱門文章 最新文章 骷髏小姐在古巴10）古巴被時間凝固，還有彌足珍貴的傳統小社區和鄰里關係...眾說|骷髏小姐在古巴29.10.18 落區原來努力讀書在基層群體心中可以有著別具意義的價值和期盼...眾說|落區13.10.18 特約轉載亞洲平台合作運動4／合舍：深水埗街道上的藝文自主空間...眾說|特約轉載26.09.18 陳零深水埗commonroom&co.結業，你捨不得甚麼？...眾說|陳零23.07.18 林兆彬深水埗區議會民主派議員，奇蹟地12：11通過取消授權票制度...眾說|林兆彬30.06.18   好好故事香港有個貧民集中地叫深水埗，深水埗有條大南街；大南街上有間...眾說|好好故事13.05.18 落區拾荒者─在污托幫與烏托邦之間２：食環與陸姐對話建立體諒與共鳴...眾說|落區21.03.18 落區拾荒者—在污托幫與烏托邦間：走入拾荒者場景觀察，污名？讚賞？...眾說|落區16.03.18 黃志全拍攝這輯深水埗夜景時，山腳下大興土木，聯想到石硤尾邨「身世」...眾說|黃志全17.02.18 華人基督徒義顯社富裕國家政府視貧窮人為負累；落後國家的政客利用貧民為奪權工具...眾說|華人基督徒義顯社04.02.18 next