岑子杰- 維基百科

岑子杰（英文：Jimmy Sham，1987年6月29號—），係前任香港民間人權陣線召集人、第六屆沙田區瀝源選區議員，亦係現任香港彩虹執行幹事、社會民主連線外務副主席。

岑子杰 出自維基百科，自由嘅百科全書 跳去導覽 跳去搵嘢 岑子杰 香港沙田區議會瀝源選區議員現任就任日期2020年1月1號前任黃宇翰社會民主連線外務副主席現任就任日期2020年3月1號前任黃浩銘民間人權陣線召集人任期2015年10月－2016年11月前任陳倩瑩繼任區諾軒任期2018年10月－2020年10月前任葉志衍繼任陳皓桓 個人資料出世(1987-06-29)1987年6月29號（34歲） 英屬香港政黨社會民主連線 岑子杰（英文：JimmySham，1987年6月29號—），係前任香港民間人權陣線召集人、第六屆沙田區瀝源選區議員，亦係現任香港彩虹執行幹事、社會民主連線外務副主席[1][2]。

2019年，岑子杰領導民陣推動反送中逆權運動，因而開始出名，同時參選第6屆香港區議會選舉嘅沙田瀝源選區[3]。

同年10月，佢喺旺角畀一班南亞裔人襲擊頭同手，即使受傷[4]，但最後亦都能夠擊敗公民力量黃宇翰，成功當選[3][5]。

目錄 1早年 2政治生涯 2.1早期街頭活動 2.2參加逃犯條例示威 2.3參選立法同區議會 3評價 3.1蔣麗芸 3.2泰晤士報 4攷 5出面網頁 早年[編輯] 岑子杰係廣東恩平人，響單親家庭大，淨係得阿媽[6]。

早年入讀嶺南鍾榮光博士紀念中學（2007年中七畢業）[7]同埋香港專上學院（2018年畢業於社會工作高級文憑）[8]。

岑子杰自細就畀人話係「人妖」。

佢讀高中嗰時，佢一位同性戀老師因為性取向而畀週刊偷拍，搞到嗰位老師情緒變差，瘦咗好多。

岑子杰見到之後深受影響，因此佢鼓起勇氣，響同學面前「出櫃」，仲同同學解譯同性戀人士實際嘅生活並唔係好似大家咁諗，另外佢仲寫信畀嗰位同性戀老師鼓勵佢[6]。

響中七畢業之後，佢做咗議員助理，但係慢慢發覺呢份工唔係好啱自己，後嚟佢轉為加入民陣成員團體、香港彩虹轄下行動組織「彩虹行動」。

2008年開始為民陣做嘢，包括人權同埋警權事務[8]。

2014年，佢同一位空少喺紐約結婚[9]。

政治生涯[編輯] 早期街頭活動[編輯] 岑子杰參加街頭政治活動嘅歷史，最早係2008年嘅「七一大遊行」，當時佢唔係幾出名[8]。

響2009年，佢曾經上過香港民間電台，響西洋菜街一帶做FM廣播，宣揚街頭抗爭，因而被差佬告違反《電訊條例》，畀差佬拉咗[1]。

從佢呢一次畀差人拉之後，就畀差人長期盯住，成日畀差佬同埋法庭傳訊[1]。

不過佢唔驚，響一次街頭演講嘅時候，佢用名言嚟激勵參加示威嘅人：「響一面高大、堅固嘅牆同埋一隻撞向牆嘅雞蛋之間，我會永遠企響雞蛋一邊。

」[1] 參加逃犯條例示威[編輯] 後嚟，佢開始有人氣，由好出名嘅佔中、雨傘革命至到反修例遊行，都可以見到岑子杰嘅身影[10][11]。

第一次逃犯條例示威入面嘅岑子杰 響2019年3月31號，岑子杰分別有份搞第一次反《逃犯條例》、第二次反《逃犯條例》大遊行同埋幫手組織2019年6月9日號「守護香港反送中」大遊行[8]。

同年6月1號，佢夾埋其他民主派人士呼籲香港市民罷市、罷課同包圍立法會，去迫行政長官林鄭月娥撤回《逃犯條例》[12]。

同月10號，岑子杰第三次搞反《逃犯條例》大遊行，另外重搞埋譴責鎮壓撤回惡法大遊行，批評差人以暴力對待示威者[13]。

響7月1號，佢有份搞嘅2019年七一遊行正式開始，主題係「撤回惡法，林鄭落台」，另外副題係「重啟政改，釋放政治犯，撤銷暴動定性，徹查612」，呼籲香港人上街遊行抗爭[13]。

響2019年12月8號國際人權日遊行期間，岑子杰畀一啲差佬人身攻擊，個班差佬話岑子杰係「死gay佬」[14]。

響2019年8月29號，佢響佐敦畀兩名蒙面人以長刀、鐵通同埋球棒襲擊，同佢同行嘅朋友都受咗傷[12][15]。

參選立法同區議會[編輯] 岑子杰當選區議員喺點票站見傳媒 響2019年10月10號，岑子杰宣佈參選2019年區議會選舉瀝源選區，代替因為畀人判坐監而唔可以參選嘅黨友黃浩銘[3]。

不過響同月16號，佢響旺角畀一班南亞裔人襲擊，頭同手都大量流血，畀送到廣華醫院治療。

而黨友、民陣副召集人陳浩桓證實咗岑子杰係去民陣大會途中畀人打，佢同時強烈譴責呢班南亞裔人嘅行為[4]。

但係有中共喉舌聲稱呢單野係岑子杰自導自編自演[16]。

最後，岑子杰以3283票大比數當選瀝源選區區議員，擊敗公民力量黃宇翰，另外岑子杰重係瀝源選區第一個成功當選嘅民主派候選人[5]。

響2020年7月22號，岑子杰宣佈參選2020年香港立法會選舉，代表民陣出選九龍西選區，呢次係佢第一次參選立法會[17]。

而呢次提名係根據響2020年香港立法會選舉民主派初選入面佢攞到嘅票數而定[18]。

最後，岑子杰響呢次初選總共攞到25670票，以得票率第一名嘅身份獲得民主派提名出選九龍西選區，同岑子杰一齊獲得民主派提名出選嘅仲有張崑陽、何啟明同埋毛孟靜[19]。

不過因為疫情關係，行政長官林鄭月娥宣佈將原定響9月6號押後到2021年9月5號先至搞立法會選舉[20]。

響2020年8月14號，岑子杰接受立場新聞訪問期間透露，話自己由6月開始就已經畀人跟蹤，而嗰班跟蹤人士成日將架車泊響岑子杰屋企樓下，就連岑子杰同人去燒嘢食都畀嗰班人跟蹤[21]。

另外，岑子杰嘅黨友陳皓桓都同時畀人跟蹤[21]。

2021年1月6號，差人以岑子杰曾經參加民主派初選，話佢違反港區國安法而拉咗佢，第二日以三萬蚊保釋。

響出差館後，岑子杰同黃碧雲見記者，佢鬧啲差人：「拉我係咪好荒謬？我覺得響拉黎智英嗰一刻已經夠嗮荒謬啦！總之你係反對派嘅，差人就全部拉嗮你！」[22]不過之後佢嘅保釋申請畀法官以「難保再犯」呢個理由而拒絕咗，所以一直畀人還押[23]。

7月7號，岑子杰最終宣佈唔撈區議員一職[24]。

評價[編輯] 蔣麗芸[編輯] 響2019年7月，立法會議員蔣麗芸響Facebook上面發佈咗一條片，當中有言論係攻擊跟岑子杰嘅同性戀身分，仲話佢特登隱瞞，但係岑子杰一早已經「出櫃」[25]，後嚟佢響社交網站回應，話蔣麗芸嘅言論「無力」，仲表示會同其他同性戀人士一齊繼續同行[26]。

泰晤士報[編輯] 《泰晤士報》選出2020年全球20位值得關注人物，岑子杰榜上有名，係唯一一個香港人上榜[27]。

而《泰晤士報》讚岑子杰係「獨特人物」（uniquelydistinctivefigure），仲話佢係一個激動人心嘅演講者[27]。

攷[編輯] ↑1.01.11.21.3"〔人物特寫〕為公義而反叛的同志—岑子杰".輔仁文誌.2013-01-13.原先內容歸檔喺2019-06-22.喺2020-08-12搵到. ↑莊恭南,侯彩琳,黃偉倫(2019-11-16)."【同志集會】十年來首次無遊行出櫃中六生無懼歧視盼平權".香港01(中文).喺2020-08-12搵到. ↑3.03.13.2"【區選光復香港】社民連派3人參選！岑子杰披甲戰沙田長毛與李慧琼對撼".AppleDaily蘋果日報(中文).原著喺2020-08-12歸檔.喺2020-08-12搵到. ↑4.04.1"民陣召集人岑子杰遭多人鐵槌襲擊留醫廣華(23:30)-20191016-港聞".明報新聞網-即時新聞instantnews(中文).喺2020-08-12搵到. ↑5.05.1陳倩婷,鄭翠碧(2019-11-25)."【區選2019．瀝源】岑子杰擊敗建制對手奪議席：是香港人的勝利".香港01(中文).喺2020-08-12搵到. ↑6.06.1"【反送中的香港人2】岑子杰：同志沒有悲觀的權利".鏡週刊MirrorMedia(中文).2019-06-25.喺2020-08-11搵到. ↑"嶺南鍾榮光博士紀念中學校訊"(PDF).2008. ↑8.08.18.28.3"兩度捱義氣做民陣召集人　岑子杰：搞遊行，要放下人數包袱".眾新聞.2019-07-03.原先內容歸檔喺2019-07-03.喺2020-08-11搵到. ↑"【有人喜歡男】社運男空少拋開枷鎖紐約註冊成「夫夫」".AppleDaily蘋果日報(中文).原著喺2020-09-06歸檔.喺2020-09-02搵到. ↑"【立會選戰】岑子杰專訪：議席不是獎勵而是眼前苦杯|立場人語|立場新聞".立場新聞StandNews(英文).喺2020-09-02搵到. ↑胡家欣(2018-11-17)."【同志遊行】1.2萬人創新高黃耀明：大眾勿避談同性婚姻".香港01(中文).喺2020-09-02搵到. ↑12.012.1"岑子杰佐敦遇持球棒鐵通男子　同行友人上前阻止遇襲".RTHK.2019-08-29.原先內容歸檔喺2019-08-29.喺2020-08-12搵到. ↑13.013.1"香港七一遊行民陣：人數不會比前兩次少".Rti中央廣播電臺.2019-06-30.原先內容歸檔喺2019-07-09.喺2020-08-12搵到. ↑"【瘋警失控實錄】擎槍嚇阿婆罵岑子杰「死gay佬」鬧路人曱甴粗口辱議員".AppleDaily蘋果日報(中文).原著喺2020-08-12歸檔.喺2020-08-12搵到. ↑"民陣召集人岑子杰佐敦餐廳內疑遇襲朋友擋棍受傷".頭條日報.2019-08-29.原著喺2019-08-29歸檔.喺2020-08-12搵到. ↑"岑子傑集會前「遇襲」又做戲？".大公報.2019-10-17.喺2020-09-07搵到. ↑"與張崑陽、毛孟靜、何啟明報名九西岑子杰：擬簽確認書無阻民主派團結|立場報道|立場新聞".立場新聞StandNews(英文).喺2020-08-12搵到. ↑"民主派初選公布核實名單新東12爭7出線新西8爭6街工不參與|立場報道|立場新聞".立場新聞StandNews(英文).喺2020-08-16搵到. ↑"2.九龍西KowloonWest".2020年民主派立法會初選.2020-06-27.原先內容歸檔喺2020-06-27.喺2020-08-16搵到. ↑"【政府記者會一文睇晒】林鄭月娥：引用緊急法押後立法會換屆選舉至明年9月5日".Now新聞(中文).喺2020-08-12搵到. ↑21.021.1"【國安法】岑子杰、陳皓桓稱被跟蹤多月陳皓桓：可能是國家機器|立場報道|立場新聞".立場新聞StandNews(英文).喺2020-08-28搵到. ↑"初選大搜捕｜拘押39小時岑子杰黃碧雲獲保釋批政府可惡可恥：由拉黎智英嗰刻已經夠荒謬！｜蘋果日報".AppleDaily蘋果日報(中文).原著喺2021-06-21歸檔.喺2021-01-08搵到. ↑"【港區國安法】47人案梁國雄岑子杰申保釋被拒法官指乏足夠理據不再作危害國家安全行為-香港經濟日報-TOPick-新聞-社會".topick.hket.com.喺2021-10-25搵到. ↑羅家晴(2021-07-08)."DQ將被追百萬薪津區議員爆辭職潮包括鄺葆賢岑子杰".香港01(中文).喺2021-10-25搵到. ↑"抹黑岑子杰「隱瞞」同性戀身分，蔣麗芸給性／別小眾的啟示|G點電視".香港獨立媒體網.喺2020-08-11搵到. ↑"【誰令人作嘔？】蔣麗芸發佈針對同志身份影片民陣岑子杰：無力的攻擊|立場報道|立場新聞".立場新聞StandNews(英文).喺2020-08-11搵到. ↑27.027.1"入選《泰晤士報》全球20名值得關注人物民陣召集人岑子杰：好多港人比我優秀|立場報道|立場新聞".立場新聞StandNews(英文).喺2020-08-12搵到. 出面網頁[編輯] 維基同享有多媒體嘅嘢：JimmyShamTsz-kit "沙田區議會-沙田區議會議員資料"(中文).沙田區議會. 岑子杰嘅Facebook頁 由「https://zh-yue.wikipedia.org/w/index.php?title=岑子杰&oldid=1746199」收 屬於10類：好文1987年出世6月29號出世在生嘅人社會民主連線成員岑氏祖籍恩平香港同性戀政治人香港基佬沙田區議員屬於3隱類：CS1中文語言來源(zh)CS1英文語言來源(en)有英文嘅文章 導覽選單 個人架生 未簽到同呢個互聯網地址嘅匿名人傾偈貢獻開戶口簽到 空間名 文章討論 變種 expanded collapsed 外觀 閱改睇返紀錄 多啲 expanded collapsed 查嘢 導覽 頭版目錄正嘢時人時事是但一版關於維基百科聯絡處捐畀維基百科 交流 說明書城市論壇社區大堂最近修改 架撐 有乜連過嚟連結頁嘅更改上載檔案專門版固定連結此版明細引用呢篇文維基數據項 打印/匯出 下載PDF印得嘅版本 第啲維基項目 維基同享 第啲話 CatalàEnglishEspañolBahasaIndonesiaItaliano日本語PortuguêsTiếngViệt中文 改拎