第7屆香港立法會選舉 - 維基百科

不過，有啲自稱係民主派嘅人出嚟參選，亦引起其他香港人對佢哋政治立場嘅質疑。

由於呢場選舉被絕大多數香港人及國際社會視為非真正自由民主嘅假選舉，所以選舉氣氛亦比 ... 第7屆香港立法會選舉 出自維基百科，自由嘅百科全書 跳去導覽 跳去搵嘢 2021年香港立法會選舉 2016 ← 2021年12月19號 → 2025 上屆議員 ← → 當選議員 立法會全部90席位46席先至得到大多數   第一大黨 第二大黨 第三大黨   領袖 李慧琼 吳秋北 盧偉國 政黨 民建聯 工聯會 經民聯 政黨聯盟 親中派 親中派 親中派 代表選區 九龍中 香港島東 工程界 上屆結果 12席，16.68% 5席，7.83% 7席，2.29% 選前議席 13 4 8 議席差額 ▲6 ▲4 ▼1 民選得票 680,563 192,235 唔適用 得票率 51.43% 14.53% 唔適用 游離票率 ▲34.75% ▲6.70% 唔適用   第四大黨 第五大黨   領袖 葉劉淑儀 鍾國斌 政黨 新民黨 自由黨 政黨聯盟 親中派 親中派 代表選區 香港島西 紡織及製衣界 上屆結果 3席，7.73% 4席，0.99% 選前議席 2 4 議席差額 ▲3 ▬ 民選得票 150,188 唔適用 得票率 11.35% 唔適用 游離票率 ▲3.62% 唔適用 議會控制權喺選舉前 親中派 議會控制權喺選舉後 親中派 2021年香港立法會選舉，係香港特別行政區成立之後嘅第七屆立法會選舉，會重新選出全部90個議席，原定喺2020年9月6號舉行，其後改咗喺2021年12月19號舉行。

呢場選舉，普遍被非建制派視為係一場由中國共產黨操控嘅一場表演性選舉。

呢場選舉係中共喺2019年香港區議會選舉泛民主派贏到開巷之後輸打贏要，未經香港人同意或者事先諮詢，就強行改革香港選舉制度，大幅度削減立法會直選議席數目同比例，恢復返已經廢除咗廿年由小圈子產生嘅選舉委員會議席，同時將政治審查制度化之後嘅第一次選舉。

而且由於呢次選舉剝奪咗香港選民嘅真正選擇權，再加上大量政治異見人士因為遭到港版國安法嘅迫害而坐緊監。

因此大部分泛民主派都杯葛呢場選舉，所以呢次亦係首次有主要政治派系明言唔參加嘅香港立法會換屆選舉。

不過，有啲自稱係民主派嘅人出嚟參選，亦引起其他香港人對佢哋政治立場嘅質疑。

由於呢場選舉被絕大多數香港泛民主派支持者及國際社會視為非真正自由民主嘅假選舉，所以選舉氣氛亦比以往要低迷，有國際媒體發表社論呼籲香港人杯葛，有啲甚至形容呢場選舉係騙局，而換來港共政府嘅恐嚇。

結果呢場選舉喺大部分香港選民嘅杯葛下，即使史無前例咁搞埋邊境投票站，投票率都係得30.2%，成為香港有史以來投票率最低嘅立法機關換屆選舉，而當選嗰90條友全部都係畀中共操控嘅親中派（狄志遠本來係泛民主派）。

英國、美國、加拿大、澳洲、紐西蘭、法國、德國、意大利、日本、歐盟等多個自由世界國家都唔承認呢場由中共操控嘅選舉，同埋嚴厲譴責中共搞政治迫害。

目錄 1背景 1.12020年 1.22021年 2選舉制度變動 2.1參選、提名及投票安排一覽 3選前各陣營動向 3.1建制派 3.2民主派 3.3中間派 4選前爭議同事件 4.1部分聲音對改動以『完善』一詞形容嘅唔同睇法 4.2入閘資格機制被批評 4.3「非建制派」定義爭議 4.4親中派提名「自稱民主派」成員 4.5多名流亡民主派人士以及國際媒體呼籲無視或杯葛選舉 4.6選舉氣氛低迷 4.7警察就選舉日警力部署安排被部分人揶揄 4.8廉政公署同《大公報》雙重標準評論選舉民調 4.9#releasemycandidate行動 5選舉結果 5.1地方選區 5.2選舉委員會 5.3功能界別 6投票率 6.1地區直選投票率 6.2選舉委員會界別投票率 6.3所有需要投票嘅功能界別投票率 7選舉後續 7.1支持「非建制派」參選人嘅「自稱民主派」被批評 8註 9參考 10出面網頁 背景[編輯] 2020年[編輯] 2020年6月12號，香港特區政府刊登憲報，將投票日定喺2020年9月6號[1]，提名期由7月18號至7月31號[2]。

2020年7月11－12號，民主派就決定人選進行民主派初選，希望可以攞到過半議席，逼使政府回應五大訴求。

2020年7月30號，12名民主派候選人俾選舉主任取消資格，包括4位尋求連任嘅議員郭榮鏗、梁繼昌、楊岳橋、郭家麒同埋黃之鋒、岑敖暉、袁嘉蔚、梁晃維、鄭達鴻、何桂藍、劉穎匡、鄭錦滿。

2020年7月31號，行政長官林鄭月娥宣佈，因為武漢肺炎香港疫情肆虐影響公眾安全，所以引用《香港法例》第241章《緊急情況規例條例》訂立附屬法例第241L章《緊急情況（換屆選舉日期）（第七屆立法會）規例》，褪遲一年至2021年9月5號先至舉行立法會選舉，並向中央人民政府（國務院）尋求支持，並提呈全國人民代表大會常務委員會決定第七屆香港立法會議員嘅任期長度。

不過，呢個決定引起咗好大爭議，民主派陣營認為，親中派陣營係怕輸，擔心會好似上年區議會選舉咁大敗，令民主派無法喺議會乘勝追擊所作出嘅政治決定，粗暴褫奪市民投票嘅權利。

呢次決定要由人大介入，係憲制嘅徹底崩塌。

被禁參選嘅黃之鋒就話，中共或港共政府無任何基礎去押後選舉，批評政府對民主派嘅打壓超出香港同埋國際社會嘅預期[3]。

一篇討論香港社會兩極化嘅學術文章提及，有啲選民並唔信納呢個理由，又用星加坡做例子，覺得當時疫情都控制得唔太好嘅星加坡都可以進行大選，用武漢肺炎為理由根本就係藉口。

由於民間覺得無辦法表達對政府嘅意見，就借一啲事件（例如同年李偲嫣嘅死）製作二次創作嘅作品，去表達對政府同激進親中派嘅不滿。

文章亦指，政府呢個決定，加劇咗社會嘅兩極化[4]。

2020年8月11號，全國人民代表大會常務委員會通過延長第六屆立法會議員任期唔少於一年，直至第七屆任期開始。

而香港特區第七屆立法會依法產生之後，任期仍然係4年。

2021年[編輯] 喺2021年3月11號，中共第十三屆全國人民代表大會第四次會議入面，未經香港人同意或者事先諮詢，就強行通過議案大幅度削減立法會直選議席數目同比例，同時設立政治審查制度。

呢個方案被視為香港民主大倒退，而且扼殺民主派參與選舉嘅權利。

大量傳媒用『閹割選舉』來形容呢次嘅決議案[5][6]，除咗香港民主派同香港嘅學者之外，台灣、美國、澳洲、英國同歐盟都有發聲批評中共扼殺香港民主自由嘅做法。

亦因為咁，民主派唔少政黨同領導人物都表明杯葛選舉。

有啲本來係民主派出身，但係後來向親中派靠攏甚至入埋行政會議嘅人，包括湯家驊、馮檢基同狄志遠就有意參選[7]。

2021年3月30號，為咗落實中共中央總書記習近平提出嘅「愛國者治港」要求[8]，全國人大常委會通過決議，確定立法會議席由70席增加到90席，立法會嘅90個議席以40、30、20比例分配議席，又叫「四三二方案」。

具體係選舉委員會界別40席；傳統功能界別30席；地區直選20席[9]。

由於直選議席數目大減，民主派人士認為立法會已經淪為「橡皮圖章」[10][11]。

選舉制度變動[編輯] 呢次選舉本嚟同第5屆、第6屆一樣，即係會選出35個地方直選議席同35個功能界別議席，總共70個議席。

但係延期之後，選舉有40席係選舉委員會產生；30席係功能組別，但係變相直選嘅區議會（第二）功能界別就被取消；直選議席就由35席大幅度削減至20席。

三類議席夾埋總共90個。

參選、提名及投票安排一覽[編輯] 產生途徑 提名門檻 選民基礎 投票方式 來自選委會/競逐界別/地區提名 來自選舉委員會嘅提名人數 地區直選（20席） 100-200人 五個界別每個界別2-4人 全港選民 雙議席單票制（即每區兩席，每名選民選一名候選人）得票最多嘅兩名候選人當選 選舉委員會界別（40席） 10-20人 五個界別每個界別2-4人 1500名選舉委員會委員 全票制（即每名選委需投票選40人）候選人當中得票最多嘅40人當選 功能界別（30席） 10-20人 五個界別每個界別2-4人 合資格嘅個人或團體選民＊ 除勞工界選出三人外，其他界別每名選民選一人得票最多者勝出 「＊」若果唔屬法例列明嘅團體，所有團體都要喺功能界別取得相應資格後持續運作三年以上方可成為選民 選前各陣營動向[編輯] 建制派[編輯] 民主建港協進聯盟：民建聯首次公布參選名單，派出18人參選，其中新人佔過半。

再次公布參選名單，再多4人參選[12][13][14][15][16]。

香港工會聯合會：工聯會派出9人參選，包括參選選委嘅黃國，麥美娟、陸頌雄，以及蔡永強會出選，港島東吳秋北，九龍東鄧家彪，新界西南陳穎欣，勞工界郭偉强及梁子穎[17]。

香港經濟民生聯盟：經民聯派出8人參選，包括參選選委嘅梁美芬、陸瀚民、鄉議局劉業強、工程界盧偉國、商界（一）林健鋒、工業界(二)吳永嘉、金融服務界張華峰，同埋工業界(一)兼現任立法會主席梁君彥[18]。

之後莫錦貴亦參選鄉議局功能界別，同黨友劉業強同室操戈，總共9人參選。

新民黨同埋公民力量：新民黨派出6人參選，黨主席葉劉淑儀參選港島西、現任議員容海恩轉戰選委會界別，以及出戰選委會嘅陳家珮、黎棟國，港島東嘅廖添誠同埋同公民力量一齊推薦李梓敬參選新界東北[19]。

自由黨：自由黨派出6人參選，黨主席張宇人參選飲食界、黨魁鍾國斌參選紡織及製衣界、易志明參選航運交通界、梁日昌參選工業一、邵家輝參選批發及零售界；前東區區議員李鎮強則循選委會界別出選。

實政圓桌：召集人田北辰出選新界西北選區競逐連任。

香港新方向：派出張欣宇代表「香港新方向」出戰新界北選區。

港九勞工社團聯會：秘書長周小松出選勞工界，主席林振昇則循選委會界別出選。

新世紀論壇：現任議員馬逢國改循選委會界別出選，藥劑師龐愛蘭則循醫療衛生界出選。

香港教育工作者聯會：派出朱國強競逐教育界議席，副主席鄧飛循選委會界別出選。

專業動力：方國珊因個人理由不出選，改為推薦社工林素蔚代表「專業動力」出戰新界東南選區[20]。

民主派[編輯] 告對於一啲有非建制派背景嘅參選人，部分人對於應否用「非建制派」形容佢哋，有所爭議。

詳細可以睇後面「非建制派」定義爭議嘅段落。

民主黨：喺2021年，民主黨對於係咪仍然參選一度陷入分歧，但之後部分被視為「參選派」嘅成員都被政府剝奪區議員資格後，民主黨亦進行咗另一次黨內初選，最終連韓東方都攞唔到足夠黨內提名。

最終民主黨決定唔派人參選。

有「自稱民主派」嘅非建制派，喺2021年香港區議員宣誓入面宣誓有效嘅4名區議員參選呢屆立法會選舉，包括譚香文、方龍飛、蔡明禧、劉卓裕。

中間派[編輯] 民主思路：民主思路派出五位成員參選立法會選舉，包括姚潔凝、陳進雄、黃穎灝、麥慶歡。

但另外仲有一名未公佈嘅成員[21]，最後得兩個（陳進雄、黃穎灝）正式報名參選。

新思維：狄志遠亦有份報名參選[22]。

前民主黨立法會議員黃成智東山再起，以「自稱民主派」身份參戰新界東北選區地區直選。

選前爭議同事件[編輯] 部分聲音對改動以『完善』一詞形容嘅唔同睇法[編輯] 雖然官方說法聲稱呢次係完善選舉制度，但唔少人都表達唔同嘅睇法。

例如，本身係親中派一員嘅汪明荃，曾經喺接受林鄭月娥就有關改動而主持嘅節目《選委界別分組面面觀》入面，唔單止批評體育、演藝、文化及出版界代表嘅數目大減，又無引用「完善」一詞，只提及「重改」、「重整」、「重修」三詞[23]。

另外，有啲媒體喺報導呢次選舉期間，就喺完善一詞嗰度加上引號，暗指所謂完善只係官方嘅說法[24][25]。

入閘資格機制被批評[編輯] 除咗民主派反對入閘要國安審查同選委會提名嘅安排之外，有部份以往只需要當區選民提名就能夠成為候選人嘅人，喺北京單方面大幅度收窄門檻之後，就算係屬於親中陣營，爭取入閘都有大幅度困難，要同選委會人士有關連先得，制度被人批評。

其中出選新界北選區嘅獨立親中派人士陳玉娥，就哭訴話界別入面好多人佢都唔識，亦唔知點聯絡佢哋，形容選委提名係大石頭[26][27]，佢最終唔可以好似以前咁，淨係攞到選民提名就入能夠閘[28]。

另外，由行政會議成員湯家驊擔任召集人嘅民主思路，亦曾經公開表示爭取提名有困難[29]，本來計劃有五人參選但最終只得兩人。

立場係支持民主派嘅傳媒工作者曾志豪形容，連陳玉娥同埋一啲湯家驊推介嘅候選人，即使本身係親中嘅都入唔到閘，證明選舉唔係剝削咗一般市民嘅真正選擇權咁簡單，而係親中派內部都存在明顯但無客觀標準嘅「親疏有別」，呢樣係連陳玉娥同埋湯家驊都解釋唔到。

曾志豪認為選舉已經變成「人治」，議員嘅權力來源來自唔知乜水嘅選委，質疑啲議員點代表到香港市民[30]。

「非建制派」定義爭議[編輯] 有啲人會覺得，自稱「非建制派」嘅參選人，其實都係「建制派」。

其中親中派入面，實政圓桌田北辰就話，就連有行政會議代表嘅民主思路，喺爭取提名亦有困難，但所謂非建制派參選人可以獲得提名，其實咁就代表，呢啲所謂非建制派，只不過喺建制入面插多咗支旗，改咗個名叫非建制。

另外，佢又質疑區選入面曾經掛住民主派牌頭打贏佢嘅劉卓裕，話佢立場飄忽，唔知佢代表乜[31]。

另外，去到一個選舉論壇入面，自稱「民主派」嘅九龍中地區直選候選人譚香文，亦都被兩名對手質疑立場飄忽[32]。

民主派嘅成員同支持者方面，辭職後被逼流亡英國嘅前沙田區議員丘文俊就喺社交媒體稱呼佢哋做「投共派」、「新建制派」[33]，而同樣被逼流亡嘅羅冠聰亦都話，仲選嘅一定唔係民主派[34]。

部分傳媒亦對佢哋聲稱自己係非建制派有所保留，會用引號包住非建制派呢四個字[35]，喺非建制派四個字前面加上「自稱」二字[35]，或者以「非傳統建制」形容佢哋[36]。

而對於佢哋嘅民主理念嘅質疑，眾新聞喺12月曾經以問卷形式詢問14名地區直選候選人，而家立法會嘅選舉制度夠唔夠民主但當中只有劉卓裕同埋黃成智表明而家制度唔夠民主同埋支持獨立調查2019年香港警察喺反修例運動入面嘅行為，佢哋兩人另加上黃俊瑯承諾提平反六四動議。

譚香文、潘焯鴻、張欣宇、林素蔚甚至無回覆問卷。

中大政治與行政學系副教授馬嶽形容，雖然劉卓裕、黃成智答案最接近民主派，但就拒絕評論佢哋係咪民主派，形容佢哋只係答咗問卷，又形容反對提出平反六四動議唔能夠接受。

城大公共政策學系教授葉健民亦指，喺呢個選舉制度入面，建制同非建制嘅標籤已經無意義[36]。

親中派提名「自稱民主派」成員[編輯] 以往選委會成員主要係就行政長官選舉過程作出提名，好多親中派都只會提名返親中派陣營嘅人。

不過，今次有啲親中陣營嘅人就提名咗一啲「自稱民主派」成員[35]。

多名流亡民主派人士以及國際媒體呼籲無視或杯葛選舉[編輯] 喺2021年10月，被逼流亡海外嘅民主派前立法會議員許智峯提出「如水計劃」以白票反制立法會選舉，指出經歷國安惡法蹂躪、選舉制度「被完善」後，香港人要策略投票反制唔公義嘅選舉制度。

不過，坊間反應不一，除咗親中派攻擊佢之外，有啲民主派支持者亦都話唔投票更加好。

廉署之後拉咗3個單純喺社交媒體分享許智峯意見嘅網民，亦被許智峯批評係政治濫捕[37][38]。

另外，前香港眾志主席羅冠聰亦指，呢次嘅選舉制度唔存在民主成分，公開呼籲選民無視呢次選舉，唔好畀任何認受性佢[39]。

國際媒體方面，《華爾街日報》同《泰晤士報》都發表社論呼籲香港人杯葛選舉，《泰晤士報》甚至形容呢個選舉係騙局（sham），但就引來香港政府去信恐嚇[40][41]。

選舉氣氛低迷[編輯] 由於主流民主派集體杯葛嘅關係，今次選舉氣氛相當低迷。

香港民意研究所嘅調查顯示，有77%嘅選民唔知所屬選區，60%嘅選民唔知候選人。

香港浸會大學政治及國際關係學系副教授陳家洛分析呢次調查結果嘅時候話，相信投票率有機會創有記錄新低。

前油尖旺區議員李傲然就預計，今次投票率會係28－32%[42]。

親中派候選人李慧琼就話，係因為政府宣傳不足，要加把勁去追[43]。

12月10號，特區政府宣佈投票日港鐵、電車同埋大部分巴士線免費搭車。

警察就選舉日警力部署安排被部分人揶揄[編輯] 警務處處長蕭澤頤喺2021年11月27號表示會調動過萬警力確保選舉順利進行[44]，但呢個安排被部分民主派人士揶揄，形容根本冇乜人會想參與。

其中，前沙田區議員黃文萱就話，蕭澤頤嘅講法同啲細路同啲同學講，「我下星期生日呀，冇開party㗎，唔好嚟搵我呀」無分別[45]。

去到12月，保安局局長鄧炳強就話會部署7,000名紀律部隊人員參與工作，選舉當日亦會加強佈防[46]。

廉政公署同《大公報》雙重標準評論選舉民調[編輯] 香港民意研究所同香港研究協會都有喺呢次選舉進行民調，兩者問題都包括問人會唔會投票，而兩者結果都顯示，得5成多啲嘅受訪者會投票，而香港研究協會嘅結果入面仲加上備註話呢個數字會再有折損。

中聯辦控制嘅《大公報》干預香港民意研究所嘅學術自主，話佢哋煽惑人唔投票，而廉政專員白韞六亦都話唔能夠排除香港民意研究所違法[47][48]。

香港民意研究所副行政總裁鍾劍華澄清，民調無鼓吹任何行動，學術研究冇理由構成煽動，呼籲唔好透過制度模糊製造混亂，令市民對法治更加冇信心，動搖法治基礎[49]。

不過，對於本身立場親中嘅香港研究協會，《大公報》就未有批評，廉署亦冇用針對香港民意研究所民調嘅嚴苛態度，反而話係咪違法唔能夠一概而論[48]。

#releasemycandidate行動[編輯] 香港監察喺社交媒體發起#releasemycandidate行動，喺網上發表帖子加上#releasemycandidate，要求政府釋放參與2020泛民初選嘅候選人[50]，得到一啲泛民主派人士嘅響應，例如有因為被政府以《港版國安法》名義打壓而被逼流亡嘅前立法會議員許智峯[51]、梁柏堅[52]、鄭敬基[53]等。

選舉結果[編輯] 呢場選舉當選嗰90條友全部都係畀中共操控嘅親中派。

正式候選人名單，詳盡選舉結果如下[54][55]： 候選人簡介 香港島東選區 香港島西選區 九龍東選區 九龍西選區 九龍中選區 新界東南選區 新界北選區 新界西北選區 新界西南選區 新界東北選區 選舉委員會界別 功能界別 註解 「粗體」當選嘅候選人 「＊」做緊立法會議員 「＠」做過立法會或立法局議員 「△」做緊區議會議員（鄉議局功能界別唔標註） 「§」未能得到選舉資助[#1] 「＃」未能得到選舉資助，並被沒收選舉按金[#2] 「（括號）」內係未有申報嘅實際政黨 地方選區[編輯] 選區號碼 選區 編號 政黨 候選人 票數 百分比 備註 LC1 香港島東 1 民建聯 梁　熙 26,799 20.79% 民建聯中委 2 新民黨 廖添誠 23,171 17.97% 3 工聯會 吳秋北 64,509 50.04% 港區全國人大代表，工聯會會長 4 獨立 潘焯鴻 14,435 11.20% 前自由黨、希望聯盟成員 LC2 香港島西 1 新民黨 葉劉淑儀＊ 65,694 59.52% 新民黨主席，前保安局局長 2 民建聯 陳學鋒 36,628 33.18% 民建聯副主席 3 獨立 方龍飛△ 8,058 7.30% 離島區議會議員 LC3 九龍東 1 工聯會 鄧家彪＠ 65,036 44.11% 勞工顧問委員會僱員代表 2 民建聯 顏汶羽△ 64,275 43.59% 民建聯中委，前青年民建聯主席 3 民主思路 陳進雄＃ 2,999 2.03% 4 獨立 胡健華＃ 3,090 2.10% 5 獨立 李嘉欣 12,049 8.17% 香港註冊中醫師 LC4 九龍西 1 西九新動力/（經民聯） 梁文廣 36,840 31.45% 2 獨立 馮檢基＠ 15,961 13.62% 前立法會議員，前民協成員 3 民建聯 鄭泳舜＊ 64,353 54.93% 民建聯中委 LC5 九龍中 1 民建聯 李慧琼＊△ 95,976 68.70% 港區全國政協委員，民建聯主席 2 獨立 楊永杰△ 35,702 25.56% 九龍城區議會主席，前西九新動力成員 3 獨立 譚香文＠△ 8,028 5.75% 前公民黨、前綫成員，香港非執業會計師 LC6 新界東南 1 獨立 蔡明禧△ 6,718 5.27% 西貢區議會副主席 2 民建聯/新界社團聯會 李世榮 82,595 64.77% 民建聯中委 3 專業動力 林素蔚 38,214 29.97% LC7 新界北 1 香港新方向 張欣宇 28,986 23.97% 工程師 2 民建聯 劉國勳＊ 70,584 58.38% 民建聯中委 3 獨立 沈豪傑△ 17,839 14.75% 元朗區議會主席，香港執業律師 4 獨立 曾麗文＃ 3,498 2.89% LC8 新界西北 1 民建聯 周浩鼎＊ 93,195 67.89% 民建聯副主席 2 實政圓桌 田北辰＊ 40,009 29.15% 港區全國人大代表，實政圓桌召集人 3 新思維 黃俊瑯＃ 4,066 2.96% 新思維副主席 LC9 新界西南 1 獨立 劉卓裕△ 12,828 8.08% 2 民建聯 陳恒鑌＊ 83,303 52.45% 民建聯中委 3 工聯會/（民建聯） 陳穎欣 62,690 39.47% LC10 新界東北 1 新民黨/公民力量 李梓敬 61,253 45.35% 前自由黨成員 2 獨立 黃成智＠§ 5,789 4.29% 民主黨創黨成員，前新思維成員 3 民建聯/新界社團聯會 陳克勤＊ 62,855 46.54% 民建聯副主席 4 民主思路 黃頴灝§ 5,160 3.82% 選舉委員會[編輯] 編號 政黨 候選人 票數 百分比 備註 1 工聯會 陸頌雄＊ 1,178 82.96% 2 新論壇 馬逢國＊ 1,234 86.9% 港區全國人大代表 3 工聯會 黃　國 1,192 83.94% 港區全國政協委員，工聯會理事長 4 獨立 陳凱欣＠ 1,292 90.99% 5 教聯會 鄧　飛 1,339 94.3% 重慶市政協委員，香港教育工作者聯會副主席 6 獨立 盧維思 454 31.97% 前投資推廣署署長 7 獨立（創建力量） 謝偉俊＊△ 1,283 90.35% 香港執業律師 8 獨立（勞聯） 刁勝洪 342 24.08% 9 獨立 曾瀞漪 919 64.72% 鳳凰衛視節目主持人 10 獨立 林智遠 970 68.31% 香港執業資深會計師 11 獨立 管浩鳴 1,102 77.61% 聖公會教省秘書長 12 獨立 林筱魯 1,026 72.25% 13 獨立 周文港 1,060 94.65% 14 獨立 江玉歡 1,032 72.68% 香港律師會理事，香港執業律師，前新民黨黨員 15 獨立 馮煒光 708 49.86% 前香港政府新聞統籌專員，前民主黨成員 16 獨立 陳月明△ 1,187 83.59% 打鼓嶺鄉事委員會主席 17 獨立 李浩然 1,308 92.11% 華潤集團粵港澳大灣區辦公室主任兼秘書長，華潤資本董事總經理 18 新民黨 陳家珮 1,284 90.42% 新民黨中委 19 獨立 黃梓謙 956 67.32% 香港再出發大聯盟共同發起人，平等機會委員會委員，前民主思路成員 20 獨立 陳曼琪 1,331 93.73% 港區全國人大代表，全國婦聯執委，香港執業律師 21 獨立 蘇長榮 1,013 71.34% 港區全國政協委員，港島聯理事長 22 獨立 孫　東 1,124 79.15% 香港城市大學生物醫學工程學系講座教授 23 獨立 屠海鳴 834 58.73% 港區全國政協委員，豪都國際有限公司董事長 24 獨立 譚岳衡 1,245 87.68% 甘肅省政協委員，交銀國際董事長，香港中資證券業協會永遠名譽會長 25 獨立 吳傑莊 1,239 87.25% 港區全國政協委員，高鋒集團創辦人兼主席，青年專業聯盟創會召集人 26 獨立 陳紹雄 1,239 87.25% 中華電力中國區總裁，專業工程師 27 獨立 洪　雯 1,142 80.42% 新世界發展有限公司研究主管 28 獨立 林順潮 1,157 81.48% 港區全國人大代表，香港註冊眼科專科醫生 29 民建聯 陳仲尼 1,305 91.9% 港區全國政協委員，香港中華總商會副會長 30 新民黨 容海恩＊ 1,323 92.46% 新民黨副主席，香港執業大律師 31 獨立 陳沛良 1,205 84.86% 中國太平保險（香港）有限公司總經理 32 獨立 劉智鵬 1,214 85.49% 嶺南大學協理副校長（學術及對外關係），歷史系教授 33 獨立 簡慧敏 1,291 90.92% 中銀香港總法律顧問，香港執業律師 34 民建聯 林　琳 1,181 83.19% 民建聯荃灣支部社區幹事 35 經民聯 陸瀚民 1,059 74.58% 麗新集團主席辦公室首席策略官，香港菁英會理事 36 民建聯 葛珮帆＊ 1,322 93.1% 民建聯中委 37 民建聯 郭玲麗 1,122 79.01% 民建聯葵青支部社區主任 38 新民黨 黎棟國 1,237 87.11% 港區全國政協委員，新民黨常務副主席，前保安局局長 39 經民聯/西九新動力 梁美芬＊ 1,348 94.93% 經民聯副主席，西九新動力主席，香港執業大律師，香港城市大學法律學院副教授 40 獨立（新界關注大聯盟） 何君堯＊ 1,263 88.94% 香港執業律師 41 民建聯 陳凱榮 941 66.27% 香港青年會主席，民建聯東區支部社區主任 42 工聯會 麥美娟＊ 1,326 83.38% 工聯會副會長 43 獨立 孫偉勇 891 62.75% 億田智能董事長，中華海外聯誼會理事，孫中山玄侄孫，孫必達個仔 44 獨立 黃元山 1,297 91.34% 團結香港基金副總幹事 45 自由黨 李鎮強 1,060 74.65% 自由黨副主席 46 民建聯 張國鈞＊ 1,342 94.51% 民建聯副主席，香港執業律師 47 獨立 梁毓偉 1,160 81.69% 香港青年聯會主席 48 獨立 盛智文 955 67.25% 蘭桂坊集團主席 49 勞聯 林振昇 1,002 70.56% 勞聯主席 50 獨立 吳宏偉 958 67.46% 香港科技大學（廣州）副校長 51 工聯會 蔡永強 818 57.61% 功能界別[編輯] 界別 編號 政黨 候選人 票數 百分比 備註 鄉議局 HYK1 經民聯 劉業強＊ 119 77.27% 港區全國政協委員，經民聯副主席 HYK2 經民聯 莫錦貴 35 22.73% 漁農界 AF1 民建聯 何俊賢＊ 117 68.82% AF2 獨立 楊上進 53 31.18% 保險界 IN1 獨立 陳照男 24 26.97% IN2 獨立 陳健波＊ 65 73.03% 航運交通界 TR1 獨立 陳宗彝 56 27.59% 中港通集團董事總經理 TR2 自由黨 易志明＊ 147 72.41% 港區全國政協委員 教育界 A1 獨立 文詩詠 2,054 8.91% 保良局林文燦英文小學校長 A2 獨立（教評會） 林日豐 4,544 19.71% 獅子會中學退休校長 A3 香港幼教會 丁健華 2,533 10.99% 香港幼稚園教育專業交流協會主席 A4 獨立 林泳施 3,280 14.23% 瑪利灣學校校長 A5 教聯會 朱國強 10,641 46.16% 北區小學校長會主席 法律界 B1 獨立 林新強 1,637 70.84% 前香港律師會會長，香港執業律師 B2 獨立 陳曉鋒 674 29.16% 香港法學交流基金會秘書長 會計界 C1 獨立 黃宏泰△ 1,981 24.90% 香港非執業會計師，灣仔區議會主席 C2 獨立 翁　健 1,065 13.39% C3 獨立 潘文思怡 1,734 21.80% 香港執業會計師 C4 民建聯 黃俊碩 3,175 39.91% 香港執業會計師，前香港華人會計師公會會長，黃龍德個仔 醫療衛生界 DE1 獨立 陳子中 2,585 16.27% DE2 民建聯 陳永光 3,446 21.68% 香港註冊中醫學會會長 DE3 獨立 何崇漢 1,631 10.26% 香港護士協會中央委員，愛護理服務集團董事 DE4 獨立（新論壇） 龐愛蘭 2,719 17.11% 香港藥學會會長 DE5 獨立 林哲玄 5,511 34.68% 醫護誠信同行主席 工程界 F1 獨立 黃偉信 1,243 24.41% F2 經民聯 盧偉國＊ 3,849 75.59% 港區全國政協委員，經民聯主席 建築、測量、都市規劃及園境界 G1 獨立（思籌知路） 謝偉銓＊ 2,266 68.07% 港區全國政協委員 G2 獨立 陳澤斌 1,063 31.93% 前建築署助理署長，現建築師註冊管理局主席 勞工界（3席） H1 工聯會 梁子穎 373 29.65% H2 勞聯 周小松 371 29.49% 勞聯秘書長 H3 獨立（工聯會） 李廣宇 116 9.22% 香港公共事業工會聯合會副主席 H4 工聯會 郭偉强＊△ 398 31.64% 社會福利界 K1 民建聯 朱麗玲 872 35.33% 民建聯葵青支部主席 K2 獨立 葉湛溪 196 7.94% 香港復康力量會長 K3 新思維 狄志遠＠ 1,400 56.73% 新思維主席 地產及建造界 L1 獨立 趙式浩 138 36.32% 前自由黨成員 L2 獨立 龍漢標 242 63.68% 地產建設商會秘書長 旅遊界 M1 獨立（新論壇/創建力量） 馬軼超 13 7.51% M2 獨立（創建力量） 姚柏良 160 92.49% 香港中旅社副社長 商界（第一） N1 獨立 姚逸明 101 13.85% N2 經民聯 林健鋒＊ 628 86.15% 港區全國政協委員，經民聯副主席 商界（第二） P1 獨立 廖長江＊ 176 71.26% 港區全國人大代表 P2 獨立 葉永成 71 28.74% 香港中華總商會選任會董，香港道教聯合會副主席 商界（第三） Q1 獨立 嚴　剛 174 61.27% 招商局港口董事總經理 Q2 獨立 游偉光 110 38.73% 中國海外地產董事總經理 工業界（第一） R1 經民聯 梁君彥＊ 235 77.81% 港區全國政協委員，經民聯榮譽主席 R2 自由黨 梁日昌 67 22.19% 工業界（第二） S1 經民聯 吳永嘉＊ 306 82.48% 經民聯副主席 S2 獨立 羅程剛 65 17.52% 金融界 T1 獨立 陳振英＊ 51 75% 中國銀行(香港)顧問 T2 獨立 陳志輝 17 25% 金融服務界 U1 獨立 李惟宏 314 65.01% 香港證券業協會副主席，香港中華總商會常務會董，李和聲嘅孫仔 U2 經民聯 張華峰＊ 169 34.99% 港區全國政協委員，經民聯副主席 體育、演藝、文化及出版界 V1 獨立 蘇惠良 29 12.95% 明報出版社總經理 V2 獨立 霍啟剛 195 87.05% 港區全國政協委員，港協暨奧委會副會長 進出口界 W1 獨立 李志峰 48 30.77% 香港中華出入口商會副秘書長 W2 民建聯 黃英豪＠ 108 69.23% 港區全國政協委員 紡織及製衣界 X1 獨立 陳祖恒 172 67.72% 聯泰控股執行副總裁，陳亨利嘅細佬 X2 自由黨 鍾國斌＊ 82 32.28% 自由黨黨魁 批發及零售界 Y1 獨立 林至頴 112 9.12% 廣東省政協委員 Y2 自由黨 邵家輝＊ 1,116 90.88% 自由黨副主席 科技創新界 Z1 獨立 吳池力 12 16.90% Z2 獨立 邱達根 59 83.10% 香港資訊科技聯會會長，創科未來召集人，邱德根個細仔 飲食界 CA1 獨立 徐汶緯 27 21.09% 金記冰室老闆 CA2 自由黨 張宇人＊ 101 78.91% 自由黨主席 港區人大、政協及有關全國性團體代表界 ZN1 民建聯/新界社團聯會 陳　勇 432 70.94% 港區全國人大代表，民建聯副主席 ZN2 獨立（西九新動力） 謝曉虹 177 29.06% 投票率[編輯] 地區直選投票率[編輯] 年份時間 1998 2000 2004 2008 2012 2016 2021 08:30 1.18% 0.91% 1.33% 1.04% 1.32% 1.31% 唔適用 09:30 3.59% 3.03% 4.03% 3.07% 3.90% 3.73% 3.18% 10:30 7.14% 6.19% 7.86% 5.66% 7.48% 7.12% 6.36% 11:30 11.14% 9.61% 12.17% 8.83% 11.34% 11.05% 9.35% 12:30 15.33% 12.75% 16.39% 11.76% 15.14% 14.99% 12.08% 13:30 18.62% 15.48% 20.26% 14.42% 18.49% 18.88% 14.39% 14:30 21.70% 18.34% 24.36% 17.46% 22.06% 22.90% 16.66% 15:30 25.32% 21.12% 28.21% 20.23% 25.46% 26.93% 18.77% 16:30 29.89% 23.87% 32.15% 23.52% 29.04% 31.16% 21.02% 17:30 34.25% 26.56% 35.87% 26.78% 32.64% 35.30% 23.12% 18:30 38.20% 29.41% 39.67% 30.03% 36.24% 39.55% 24.99% 19:30 41.93% 32.30% 43.50% 33.30% 39.96% 43.60% 26.49% 20:30 45.46% 35.25% 47.39% 36.66% 43.85% 47.83% 27.92% 21:30 49.30% 38.85% 50.94% 40.43% 48.19% 52.57% 29.28% 22:30 53.29% 43.57% 55.64% 45.20% 53.05% 58.28% 30.20% 選舉委員會界別投票率[編輯] 年份時間 2021 09:30 24.24% 10:30 42.33% 11:30 58.01% 12:30 67.82% 13:30 75.00% 14:30 82.18% 15:30 90.06% 16:30 93.44% 17:30 95.37% 18:30 96.75% 19:30 97.44% 20:30 97.79% 21:30 98.14% 22:30 98.48% 所有需要投票嘅功能界別投票率[編輯] 年份時間 1998 2000 2004 2008 2012 2016 2021 08:30 1.48% 1.04% 1.62% 1.35% 1.86% 1.87% 唔適用 09:30 4.31% 3.56% 4.62% 3.68% 4.89% 4.68% 3.03% 10:30 8.51% 7.33% 8.97% 6.61% 9.16% 8.52% 5.94% 11:30 13.33% 11.54% 14.11% 10.71% 13.84% 13.04% 8.87% 12:30 18.44% 15.60% 19.23% 14.65% 18.81% 17.96% 11.72% 13:30 22.96% 19.64% 24.34% 18.36% 23.42% 22.78% 14.14% 14:30 26.86% 23.66% 29.53% 22.40% 28.26% 27.53% 16.64% 15:30 31.87% 27.69% 34.73% 26.46% 33.29% 32.73% 19.11% 16:30 37.10% 31.43% 39.71% 30.54% 38.19% 38.16% 21.63% 17:30 41.89% 34.70% 44.30% 34.39% 42.55% 43.28% 24.00% 18:30 46.43% 38.30% 49.07% 38.55% 47.18% 48.78% 26.18% 19:30 51.01% 42.35% 54.02% 42.99% 52.23% 54.23% 27.83% 20:30 55.06% 46.15% 58.99% 46.53% 57.34% 59.56% 29.28% 21:30 59.17% 50.42% 63.81% 52.66% 63.03% 65.95% 30.92% 22:30 63.50% 56.50% 70.10% 59.76% 69.65% 74.33% 32.22% 選舉後續[編輯] 支持「非建制派」參選人嘅「自稱民主派」被批評[編輯] 雖然大部分民主派人士都唔參與呢次選舉，但有啲「非建制派」參選人仍然得到少量「自稱民主派」人士嘅支持。

但呢啲支持「非建制派」參選者嘅「自稱民主派」就被質疑，唔再係民主派同路人。

其中，被政府透過宣誓過程強行剝奪區議員資格，之後被逼流亡嘅郭天立，就貼咗一張名單點名批評呢啲「自稱民主派」，包括梁繼昌、梁翊婷、蘇逸恒、劉子傑、廖成利、譚國僑、楊彧、許錦成、江貴生、李炯、黃虹銘、甄紹南、周啟廉、余德寶、譚家浚、李煒林、周賢明、林健文、朱慧芳、林少忠、李永財、勞越洲、林頌鎧同埋李洪波[56]。

郭天立嘅批評，之後得到其他民主派中人和應，包括梁頌恆[57]、麥梓健[58]、廖栢康[59]、俞竣晞[60]等。

註[編輯] ↑當選或取得5%選票嘅候選名單，都可獲政府財政資助，每張得票11港元或實際開支50%，以較低者為準。

↑得票率低過3%嘅候選名單，佢喺50,000港元（地方選區）/25,000港元（功能界別）嘅選舉按金會被沒收並撥歸政府一般收入。

參考[編輯] ↑"第3115號公告"(PDF).政府物流服務署.2020-06-12.喺2020-07-15搵到. ↑"立法會選舉確定於9月6日舉行".now新聞.2020-06-10.喺2020-06-10搵到. ↑"香港立法會選舉因疫情延後一年，反對派稱政府「怕輸」".BBCNews中文.2020-11-08.喺2020-11-08搵到. ↑"網絡政治輿論的極端情緒化與民衆的政治認同".人人焦點.2020-12-20.喺2020-12-20搵到. ↑"國安法二二八閹割選舉攬炒三步曲".眾新聞.2021-03-13.喺2021-03-13搵到. ↑"【閹割選舉】馬英九：「一國兩制」宣告死亡國民黨吁保障香港自由民主".禁聞網.2021-03-13.喺2021-03-13搵到. ↑"馮檢基湯家驊參選呼聲高狄志遠有意組新黨".巴士的報.2021-03-16.喺2021-05-07搵到. ↑"完善『一國兩制』制度體系，落實『愛國者治港』根本原則專題研討會舉行夏寶龍出席並講話".國務院港澳事務辦公室.2021-02-22.喺2021-02-22搵到. ↑"譚耀宗：立法會以40、30、20比例分配議席".香港電台.2021-03-30.喺2021-03-30搵到. ↑消息：行會通過選舉改革草案地區直選分10區資審委由特首委任，香港01，2021-04-13 ↑選舉改制︱一文看清8大新曝光重點呼籲投白票最高判監幾多年？，香港01，2021-04-13 ↑民建聯派18人出選立法會選舉李慧琼希望所有人當選，香港電台，2021-10-29 ↑立會選舉｜民建聯通過18人出選李慧琼戰九龍中，頭條日報，2021-10-29 ↑【立法會選舉】民建聯派18人出選冀全當選4人退下火綫包括蔣麗芸、柯創盛，香港經濟日報，2021-10-29 ↑立法會選舉︱民建聯派18人新星佔半直選區區遣將舊人轉跑道，香港01，2021-10-29 ↑民建聯18人參選立法會10人戰地區選委會及功能界別各4人，now新聞，2021-10-29 ↑立法會選舉｜工聯會9人參選麥美娟轉戰選委席吳秋北攻港島東，香港01，2021-10-29 ↑【立法會選舉】經民聯派8人參選梁君彥父子兵無緣同上陣，經濟日報，2021-11-09 ↑立法會選舉︱新民黨5人參選葉劉續戰直選：無興趣做立法會主席，香港01，2021-11-03 ↑立法會選舉｜五度參選始終無緣方國珊棄選黨友代披甲新界東南，香港01，2021-11-09 ↑民主思路未獲足夠提名發信爭選委支持李華明：愈來愈似清一色，香港01，2021-11-07 ↑立法會選舉︱新思維狄志遠選社福界黃俊瑯、崔定邦戰九西及九中，香港01，2021-10-23 ↑"「體演文出」選委60變30汪明荃：有好多人不滿林鄭：希望諒解|立場報道|立場新聞".立場新聞StandNews.喺2021-11-14搵到. ↑"「獨立媒體」十月份工作及財政簡報". ↑"【立法會爭位】陳智思：樂見多人報名「非建制」入閘下屆立法會予政府壓力更大|立場報道|立場新聞".立場新聞StandNews.喺2021-11-14搵到. ↑"娥姐告急哭求提名".Facebook(英文).喺2021-11-10搵到. ↑20211110立法會選舉參選人陳玉娥「選情告急」記者會|TMHKNewsLive新聞直播(英文),喺2021-11-10搵到 ↑"【立會選戰】陳玉娥入閘失敗：發夢都估唔到|獨媒報導".獨立媒體.2021-11-12.喺2021-11-14搵到. ↑"立法會提名期倒數民主思路仍未獲足夠提名公開請求：給我們一個機會|立場報道|立場新聞".立場新聞StandNews.喺2021-11-10搵到. ↑"曾志豪：玉娥哭出選舉鬧劇真相-20211112-觀點".明報新聞網-每日明報dailynews(中文).喺2021-11-14搵到. ↑"【立會選戰】田北辰出戰新界西北嘲「非建制派」都係建制派".獨立媒體.2021-11-10.喺2021-11-11搵到. ↑"【立法會爭位】選舉論壇被質疑立場飄忽、網上眾籌不佳譚香文自稱民主派：好多市民嚟辦事處捐款".明德報.2021-11-27.喺2021-11-27搵到. ↑"一場有篩選的立法會選舉，由中共操控過程及選舉結果，參選的全部都係建制派或投共派（或者稱新建制派），選民投票只淪為舉手機器；所有參與這場假選舉的，都係為暴政推波助瀾、為政權塗姿抹粉！".Facebook.2021-11-14.喺2021-11-14搵到. ↑"叱吒嘅熾熱盛況簡直同立法會「選舉」嘅慘淡形成鮮明對比……如果大家想投票，投叱吒就夠喇。

".Facebook.2021-11-27.喺2021-11-27搵到. ↑35.035.135.2"【立會選戰】黃成智又選獲盧文端助提名".獨立媒體.2021-11-10.喺2021-11-10搵到. ↑36.036.1"【立會選舉】直選14人非傳統建制僅2人稱目前制度不夠民主3人承諾提平反六四動議".眾新聞.2021-12-05.喺2021-12-05搵到. ↑"三人轉載杯葛選舉帖文首遭拘捕許智峯責做法可恥但籲市民停止轉載".RFI-法國國際廣播電台(中文).2021-11-10.喺2021-11-27搵到. ↑"廉署拘捕3人涉轉載許智峯「如水計劃」帖文呼籲立會選舉投白票(21:38)-20211109-港聞".明報新聞網-即時新聞instantnews(中文).喺2021-11-27搵到. ↑"【立法會爭位】羅冠聰研討會上籲港人無視選舉、不予認受性廉署：不評論個案，如違例會依法處理|立場報道|立場新聞".立場新聞StandNews.喺2021-12-05搵到. ↑"港駐倫敦經貿辦去信《星期日泰晤士報》斥社論失實籲杯葛選舉違法|立場報道|立場新聞".立場新聞StandNews.喺2021-12-11搵到. ↑"《華爾街日報》社論提杯葛選舉曾國衞去信警告煽動不投票違法保留採取必要行動權利|立場報道|立場新聞".立場新聞StandNews.喺2021-12-11搵到. ↑"香港民研：77%受訪者唔知所屬選區60%唔知候選人|獨媒報導".獨立媒體.2021-11-23.喺2021-11-27搵到. ↑"立會選舉氣氛低迷李慧琼批政府宣傳不足要加把勁去追|獨媒報導".獨立媒體.2021-11-26.喺2021-11-27搵到. ↑"立選投票日將調動逾萬警力蕭澤頤：勿企圖干擾選舉恐嚇信如港有同黨必執法|立場報道|立場新聞".立場新聞StandNews.喺2021-11-27搵到. ↑"蕭澤頤表示投票當日，警方會過動逾萬警力：「任何人士唔好企圖、去嘗試干擾，或者搗亂個選舉程序。

」".Facebook(英文).喺2021-11-27搵到. ↑"鄧炳強指投票日風險包括孤狼式襲擊及圍堵票站部署7,000紀律部隊人員參與工作|立場報道|立場新聞".立場新聞StandNews.喺2021-12-05搵到. ↑"《大公報》斥民研煽惑不投票白韞六：不能排除民研違法|立場報道|立場新聞".立場新聞StandNews.喺2021-12-01搵到. ↑48.048.1"親建制「香港研究協會」民調有「一定不投票」選項廉署：違法與否不能一概而論|立場報道|立場新聞".立場新聞StandNews.喺2021-12-01搵到. ↑"【立法會爭位】《大公報》點名追擊民研斥民調煽惑不投票鍾劍華：學術研究沒理由構成煽動|立場報道|立場新聞".立場新聞StandNews.喺2021-12-01搵到. ↑"香港的立法會選舉因缺乏反對聲音而失去意義".Facebook(英文).喺2021-12-24搵到. ↑"今天是港共虛假選舉的「投票日」，但本來代表大部分港人的候選人都在獄中。

我們香港人要求釋放我們的候選人，他們沒有自由參選，就說明這場選舉的敗壞及虛假。

抵制選舉，是香港人不二之選。

".Facebook(英文).喺2021-12-24搵到. ↑"#釋放我們的候選人#releasemycandidate". ↑"1219香港不是「選舉」是「選定」". ↑2021年立法會選舉獲有效提名候選人名單 ↑2021年立法會換屆選舉候選人名單，無綫新聞，2021-11-26 ↑"【2021年完善民主派名單】（持續更新）".Facebook. ↑"梁頌恆".Facebook. ↑"日久見人心系列".Facebook. ↑"冇著褲名單".Facebook. ↑"認住名單下的呢一批人，唔好再叫佢地做民主派，佢地唔配。

".Facebook. 出面網頁[編輯] 2021年立法會選舉官方網站 香港電台－2021年立法會換屆選舉專頁 香港01－2021年立法會選舉專頁 睇傾改香港選舉行政長官選舉第1屆（1996年）·第2屆（2002年）補·第3屆（2007年）·第4屆（2012年）·第5屆（2017年）·第6屆（2022年）選舉委員會界別分組選舉1998年·2000年·2002年·2005年·2006年·2011年·2016年·2021年立法機關選舉立法局選舉 第1屆（1985年） 第2屆（1988年）補 第3屆（1991年） 第4屆（1995年） 立法會選舉 臨時立法會（1996年）補 第1屆（1998年） 第2屆（2000年）補1‧補2 第3屆（2004年）補 第4屆（2008年）補 第5屆（2012年）補 第6屆（2016年）補1‧補2 第7屆（2020年→2021年） 市政機關選舉潔淨局選舉 1888年 1891年 1894年 1899年 1901年 1903年 1906年 1909年 1912年 1914年 1915年 1916年 1917年 1919年 1920年 1922年 1923年 1924年 1926年 1927年 1929年 1930年 1932年5月 1932年11月 1933年 1935年 市政局選舉 1936年 1937年 1939年 1940年 1952年 1953年 1954年 1955年 1956年 1957年 1959年 1961年 1963年 1965年 1967年 1969年 1971年 1973年 1975年 1977年 1979年 1981年 1983年 市政局及區域市政局選舉 1986年 1989年 1991年 1995年 區議會選舉英屬時期 1982年 1985年 1988年 1991年 1994年 特區時期 第1屆（1999年）補 第2屆（2003年）補 第3屆（2007年）補 第4屆（2011年）補 第5屆（2015年）補 第6屆（2019年） 村代表／鄉郊代表選舉 2003年 2007年 2011年 2015年 2019年 港區全國人大代表選舉 第9屆（1997年） 第10屆（2002年） 第11屆（2008年） 第12屆（2012年） 第13屆（2017年） 公投 1896年 由「https://zh-yue.wikipedia.org/w/index.php?title=第7屆香港立法會選舉&oldid=1754638」收 屬於3類：香港立法會選舉2021年選舉香港2021年屬於2隱類：CS1英文語言來源(en)CS1中文語言來源(zh) 導覽選單 個人架生 未簽到同呢個互聯網地址嘅匿名人傾偈貢獻開戶口簽到 空間名 文章討論 變種 expanded collapsed 外觀 閱改睇返紀錄 多啲 expanded collapsed 查嘢 導覽 頭版目錄正嘢時人時事是但一版關於維基百科聯絡處捐畀維基百科 交流 說明書城市論壇社區大堂最近修改 架撐 有乜連過嚟連結頁嘅更改上載檔案專門版固定連結此版明細引用呢篇文維基數據項 打印/匯出 下載PDF印得嘅版本 第啲維基項目 維基同享 第啲話 ΕλληνικάEnglishEspañolFrançais日本語РусскийTiếngViệt中文 改拎