政Whats噏：泛民叛變邊3個係鬼？ 鄉事派當選元朗區會副主席

非建制派走票，陳詩雅競逐副主席一職落敗。

元朗區議會今日(24日)補選因民主派麥業成辭職而懸空嘅副主席職位，泛民主派竟然有3人投棄權及無效選票， ... 您使用的瀏覽器版本較舊，已不再受支援。

建議您更新瀏覽器版本，以獲得最佳使用體驗。

on.cc東網 更新於2021年08月24日11:38•發布於2021年08月24日04:57•on.cc東網 鄧賀年當選元朗區議會副主席。

非建制派走票，陳詩雅競逐副主席一職落敗。

元朗區議會今日(24日)補選因民主派麥業成辭職而懸空嘅副主席職位，泛民主派竟然有3人投棄權及無效選票，最終令身兼錦田鄉事委員會主席、鄉事派當然議員鄧賀年擊敗泛民嘅陳詩雅當選。

其實，本身泛民為咗各自嘅利益，經常鬼打鬼，而發生今次疑似倒戈事件後，泛民陣營亦大為震動，隨即展開「捉鬼」行動，要抽出邊3個泛民區議員係「鬼」，有前議員更喺社交平台貼文，直斥今次根本係泛民叛變，仲話恥與為伴。

政府要求區議員宣誓，而喺上個月傳出「加辣」方案，即係要追埋薪津同營運開支高達百萬元後，隨即引發辭職潮，逾200名泛民議員辭職。

原本元朗區議會有45席，但經歷辭職潮後，只係剩低24人，建制派同泛民各佔12席，可謂打成平手。

24名區議員今日都有出席會議，聲稱係政治素人嘅陳詩雅獲泛民嘅張智陽提名，由張秀賢同伍軒宏和議，鄉事派就由文富穩提名鄧賀年參選，由程振明同鄧勵東和議，投票後結果顯示，鄧賀年取得12票，陳詩雅只有9票，3票棄權及無效，其中1票更剔咗喺第3格。

明明建制派同非建制派各有12票，兩個參選人都攞足票嘅話，最後要抽籤都可以話博一鋪、睇彩數，然而鄧賀年係攞足票，明顯係非建制派走票，導致陳詩雅敗北。

陳詩雅對傳媒話尊重結果，又話自己年資尚淺，可能經驗唔夠，明白有其他議員或會傾向投選較資深嘅鄧賀年，甚至投下無效選票。

究竟非建制派邊3個投棄權票？熱血公民王頴思回應傳媒查詢其投票取向時，淨係話唔方便講。

點會有人自認係鬼，而呢件事令到泛民陣營好震驚。

有前議員形容事件係崩壞，另一前議員林進更喺社交平台貼文，直指依家唔「捉鬼」，根本係泛民有人「叛變」，泛民明明夠打而「投降」，佢要求嗰啲投咗棄權票嘅區議員向公眾解釋自己嘅投票意向，尤其係作為民選議員，喺呢件事上絕不可能蒙混過關，仲希望公眾畀壓力佢哋，否則佢寧願以後只得9位民主派議員，都唔想與狼為伴喎。

鄧賀年就話唔知點解泛民冇共識而出現內部矛盾，又話之前都冇聽過泛民之間有不和諧嘅現象，感到詫異。

佢仲話反對修訂《逃犯條例》風波令地區變得唔和諧，建制派喺元朗區議會因為人少亦冇得發言，但喺《港區國安法》實施後終於平靜返。

依家當選副主席，佢希望可以推動返包括交通、渠務等地區政策，亦希望建制同泛民喺地區上可以合作，「民生嘢嚟㗎嘛，講道理咪得」，但就相信雙方喺政治層面上都係冇乜合作空間喇！東網網站:https://on.cc/東網Facebook專頁:https://www.facebook.com/onccnews/ 查看原始文章 新聞