「全速無限」真係無限制? - 報價鴨

... 你就「真無限」，不得施加任何形式嘅限制， 如有限制就必須清楚列明。

... 加個「XX皇」繼續用， 但其實都係要受到「公平使用政策/FUP」所限制。

資　　訊 服務計劃 關於我們 私隱政策 用戶使用條款 銷售員使用條款 聯絡我們 資訊 「全速無限」真係無限制? 日期:2020-02-2823:02 成日都話「全速無限」，但有時「Load空氣」?啲Sales一味話自已係唔限速。

更甚嘅係食住上，叫你加錢買「XX皇」就可以「真正全速無限」。

「報價鴨」到訪各門巿查詢，有啲職員竟然話唔係佢公司限速，而係「電管局」限速， 即係點呀? 哩件事要想當年，話說當年(2011年前)好多電訊商都高舉「無限」上網吸客，但背後又使出魔鬼細則嘅「公平使用條款」去限你速，因而造成大量相關投訴。

有見及此電訊管理局(電管局)係2011年11月9日就「公平使用政策/FairUsagePolicy(FUP)」制定左一系列嘅<>，該<>簡單啲黎講，就係規管電訊公司當使用「公平使用政策/FUP」時嘅適用範圍及尺度，一係你就「真無限」，不得施加任何形式嘅限制，如有限制就必須清楚列明。

如是者當年啲「假無限」暫時退下火線! 化妝後再次登場  係上述指引下，基本上啲Plan係唔符合「真無限」嘅定義，事關背後都係有「公平使用政策/FUP」。

我諗同以前嘅最大分別係<>下各公司必須明確咁同你講明會有咩限制(係咪真係有講?)。

 就係咁，新一代嘅自稱「全速無限」又投胎再世啦，變為講明「全速無限」+「公平使用政策/FUP」。

即係點呀? 現時巿面上絕大部份(99.9%)嘅「全速無限」所指嘅都係去到某一個指定用量，一係就直接跌落「公平使用政策/FUP」豪俾你繼續用，一係就加個「XX皇」繼續用，但其實都係要受到「公平使用政策/FUP」所限制。

當遇上「公平使用政策/FUP」會點? 各電訊商大至上都係話:「當你每月數據到達該計劃嘅指定上限後，你可以繼續上網，但你個優先次序會較後......」，簡單啲理解為唔一定會慢左，但有機會慢左(理論上機會好大)，只係慢幾多啫，而根據「電管局」嘅<>只要唔少於128Kbps哩個水平都可以。

所以當你遇上「公平使用政策/FUP」時，由於你個次序較後，你就或者會「Load空氣」，更甚嘅係「Load二氧化碳」。

總括黎講，只要一個「全速無限」Plan受到「公平使用政策/FUP」所約束，基本上就唔係「真無限」。

而小編近日走訪巿面幾間主要電訊商，表明「我要。

真無限」，職員都話無哩啲Plan喎。

 由於各公司嘅「公平使用政策/FUP」都有所唔同，有啲情況下會講明只係得128Kbps，有啲會講優先次序較後，有啲會講網絡資源相對較少，有啲甚至會限制不能做WiFi熱點分享，詳情可按以下連結查閱: 電訊商 「公平使用政策/FUP」條款連結 3HK 按此查閱相關條款 Smartone 按此查閱相關條款 CSL 按此查閱相關條款 香港寬頻 按此查閱相關條款 中移動 按此查閱相關條款 SunMobile 按此查閱相關條款 推荐閱讀 # 當無限上網遇上384Kbps之「Load二氧化碳」? # 當「無限上網」128Kbps有幾痛苦 伸延閱讀 【邊個夠我癲】有機會係香港有史以黎最抵嘅1000M PCCW1000M光纖低至$91再送氣炸鍋 限時5G上台優惠，激送70GB數據 12/2021「4.5G/5G家庭Plan比較」 800M寬頻連Netflix只需$99 【nowTV全新娛樂組合】啱晒老公睇波、老婆煲劇、阿女睇STEM 12/2021「家居電話Plan比較」 11/2021「家居電話Plan比較」 專人免費教長者使用安心出行 那些年，你遇過邊啲詐騙電話呢？ 12/2021「5GPlan比較」 12/2021「4.5G全速Plan比較」 分享